CaseKey մրցույթը 16-24 տարեկան ուսանողների համար նախատեսված՝ բիզնես քեյսերի լուծման 6-ամսյա զարգացման ծրագիր և ձեռնարկատիրական մրցույթ է՝ ուղղված մասնակիցների վերլուծական և ինովացիոն մտածողության զարգացմանը:
Ծրագիրը կազմակերպվում է Nation in Action հարթակի միջոցով, և արդեն երրորդ տարին է, ինչ անցկացվում է Հայաստանի ուսանողների շրջանում: Այդուհանդերձ, ցավոք, մինչ այդ ծրագրում Արցախից մասնակիցների ներգրավվածություն չի ապահովվել:
Այս տարի, «Մենք ենք մեր սարերը» տարածքային զարգացման գործակալության ջանքերով հաջողվեց կազմավորել երկու թիմ՝ «Մեր սարերը» և «Մունք» տեխնոդպրոցի թիմը, որոնք 6 ամիսների ընթացքում առցանց ռեժիմով աշխատեցին Հայաստանից քոուչների հետ, ուսանեցին բիզնես-քեյսերի լուծման մեթոդները, հետադարձ կապ ստացան մենթորներից և ծրագրի կազմակերպիչներից:
Հոկտեմբերին Արցախից բռնի տեղահանված ծրագրի մասնակիցները իրենց մասնակցությունը շարունակեցին արդեն Հայաստանում, որտեղ իրենց քոուչների հետ միասին այժմ պատրաստվում են մրցույթի եզրափակչին:
Նոյեմբերի 10-ից 12-ը Դիլիջանում տեղի է ունենալու մրցույթի եզրափակիչ փուլը, որի ժամանակ բոլոր թիմերին տրամադրվելու է իրական բիզնես-քեյս պատվիրատուից, որը թիմերը պետք է լուծեն 72 ժամերի ընթացքում: Լավագույն լուծումն առաջարկող թիմը մրցույթի հաղթող կճանաչվի:
Մրցույթին մասնակցող լավագույն մասնակիցներից կազմված Հայաստանի հավաքական թիմը հնարավորություն կստանա մասնակցելու քեյսերի լուծման միջազգային մրցույթին:
Nation in Action, «Մունք» տեխնոդպրոց
Արցախ, այնուհետև Հայաստան
Մայիս-նոյեմբեր 2023
Մասնակիցներ՝ 30 ուսանողներ, որոնցից 15-ը հասել են եզրափակիչ փուլին:
Ստացված գիտելիքների և ունակություների շնորհիվ արցախցի մասնակիցները դառնում են ծրագրի շրջանավարտներ, ստանում են աշխատաշուկայում մրցակցային առավելություններ և հասանելիություն բիզնես խորհրդատուների և ձեռնարկատիրական մտածողությամբ համախոհների համայնքի շրջանակներում:
«Թևեր»-ը՝ 2023 թվականի սեպտեմբերի աղետալի դեպքերի արդյունքում Արցախից բռնի տեղահանված 4-18 տարեկան երեխաների ...
Արցախից բռնի տեղահանված և Հայաստանում բնակություն հաստատած քաղաքացիներից շատերն արագ տեղահանման պատճառով չեն ...
Նախագծի նպատակն է Ամանորի եւ Սուրբ Ծննդյան տոներին ընդառաջ Հալիձորի համայնքային կենտրոնում հյուրընկալել ...